Peuyeum Bandung

Dimana-mana
Di kampung di kota
Tos kakoncara
Ku nikmat rasana

Sampeu asalna
Teu direka-reka
Naon namina
Duh matak kabita

Peuyeum Bandung kamashur
Pangaosna teu luhur
Ku sadaya kagaleuh
Sepuh jeung murangkalih

Mangga cobian
Bilih panasaran
Peuyeum ti Bandung
Henteu sambarangan

Talak Tilu

naha moal rek hanjelu
anjeun waka buru-buru
menta talak tilu

akang teu weleh ngingetan
ulah arek luluasan
urang pipisahan

anjeun ulah waka pundung
budak butuh keneh indung
ulah rek waka percaya
akang boga anu ngora
mana buktina bisi kaduhung ahirna

daripada kasiksa
leuwih hade jadi duda
hirup nandang tunggara
ngahiji sareng salira

daripada kasiksa
leuwih hade jadi duda
mereun kieu jadina
kudu pisah jeung salira

==========================================


abdi moal rek hanjelu
lewih hade buru-buru
rag-rag talak tilu

akang teu kudu ngingetan
ieu geus jadi putusan
urang pipisahan

akang henteu kudu bingung
najan budak butuh indung
sabab geus aya gentina
pan cenah boga nu ngora
aya buktina batin ngan bati nyerina

batan diri kasiksa
leuwih hade jadi randa
hirup nandang tunggara
ngahiji sareng salira

batan hirup nalangsa
leuwih hade jadi randa
mereun kieu jadina
kudu pisah jeung salira

Midua Cinta

Emut baheula ngawitan tepang
anjeun anu sakitu deudeuhna
meusmeus nyebut cinta
meusmeus nyebut nyaah
dugi ka abdi sumerah diri

Teu lami urang ngarumah tangga
naha atuh ayeuna bet beda
kawas kila kila
hayang nu kadua
dugi ka sirna rasa kacinta

Abdi teu nyangka akang rek tega
gening buktina midua cinta
dugi ka teu aya ras rasanana
ninggalkeun buah kacinta

Abdi teu cangka akang rek tega
gening buktina midua cinta
dugi ka teu aya ras rasanana
ninggalkeun buah kacinta

Tisaprak

Tisaprak ngawitan tepang
hate jadi hariwang
inggis anjeun teu surti
da abdi mah nganti-nganti

Harepan tinggal lamunan
anteb dina impian
anjeun panutan ati
pasini mikait asih

Kumaha atuh kumaha
teu wasa abdi balaka
sok inggis di pulang basa
tunggara salalawasna

Harepan tinggal lamunan
anteb dina impian
anjeun panutan ati
pasini mikait asih

Ngalamun

Waktu peuting pareng caang bulan
abdi anteng ngumbarkeun lamunan
ngantosan nu lawas henteu mulang
ka panutan nu di medan perang

Duh engkang panutan nu sajati
naha engkang tos hilap ka abdi
siang wengi abdi nganti-nganti
na iraha pasini ngajadi

Teu kendat-kendat abdi mumuntang
ka Pangeran anu murbeng alam
supados kenging panangtayungan
mugi engkang aya kaunggulan

Mun pareng urang patepang deui
kumpul ngariung sakadang wargi
kacida bungahna hate abdi
muji syukur ka Ilahi Robbi

Es Lilin

Es lilin mah didorong-dorong
dibantun mah dibantun ka Sukajadi
abdi isin dunungan samar kaduga
sok inggis mah aduh henteu ngajadi

Es lilin mah ceuceu buatan Bandung
dicandak mah geuning ka Cipaganti
abdi isin jungjunan duh bararingung
sok inggis mah aduh henteu ngajadi

Itu saha dunungan nu nungtun munding
digantelan geuning ku saputangan
itu saha dunungan ku ginding teuing
sing horeng mah aduh geuning jungjunan

Es lilin mah ceuceu dikalapaan
raosna mah geuningan kabina-bina
abdi alim dunungan paduduaan
sok sieun mah dibantun kamana-mana

Kamana mah geuningan ngaitkeun kincir
ka kaler mah ka kaler katojo bulan
kamana mah dunungan ngaitkeun pikir
moal paler geuningan da ku sabulan

Borondong Garing

Borondong garing
ider kota pilemburan
mekar lumaku diri
anu dagang bari mimitran

Borondong garing
haleuang katineung ati
jerit ciptaning ati
jeung hiliwirna angin peuting

Oleh-oleh Priangan di lingkung gunung
Majalaya Soreang Banjaran Bandung
hate jongjon lugina anu dikantun
narik ati matak luas nu ngabantun

Karembong Kayas

Duh aduh karembong kayas
Disawang matak kagagas
Baheula keur jeung manehna
Karembong teh jadi saksina

Duh aduh karembong kayas
Dianggo ku mojang kota
Loba nu matak kabita
Ku nu nganggo karembong kayas

Mojang Bandung loba nu matak kaduyung
Ku wanoja Sumedang matak kagembang
Mojang Garut loba nu matak kagirut
Komo lamun nganggo karembong kayas

Mojang Bandung loba nu matak kaduyung
Ku wanoja Sumedang matak kagembang
Mojang Garut loba nu matak kagirut
Komo lamun nganggo karembong kayas

Duh aduh karembong kayas
Disawang matak kagagas
Baheula keur jeung manehna
Karembong teh jadi saksina

Duh aduh karembong kayas
Dianggo ku mojang kota
Loba nu matak kabita
Ku nu nganggo karembong kayas

Mojang Bandung loba nu matak kaduyung
Ku wanoja Sumedang matak kagembang
Mojang Garut loba nu matak kagirut
Komo lamun nganggo karembong kayas

Mojang Bandung loba nu matak kaduyung
Ku wanoja Sumedang matak kagembang
Mojang Garut loba nu matak kagirut
Komo lamun nganggo karembong kayas

Anjeun

Teu aya deui nu mikacinta iwal anjeun
Teu aya deui nu mikamelang iwal anjeun
Pangnyaahna sadunya
Pangbageurna sadunya
Iwal anjeun
Anu heman tur daria
Anu jangji satia ngan ukur anjeun

Duh aduh aduh aduh
Hate bagja bisa papanggih jeung anjeun
Duh aduh aduh aduh
Hate reugreug aya sagigireun anjeun

Ngan saeutik hanjakalna
Lamun tepang osok ngajak rurusahan
Dasar kudu kanyahoan
Horeng anjeun geus rimbitan

Teu aya deui nu jadi pikir iwal anjeun
Teu aya deui nu kahudangkeun iwal anjeun
Inggis beunang ku batur
Inggis bogoh ka batur
Iwal anjeun

Unggal peuting babacaan
Mapatkeun pelet asihan
Husus keur anjeun

Duh aduh aduh aduh
Kurang dahar kurang sare mikir anjeun
Duh aduh aduh aduh
Hayang deukeut hayang geugeut ngan jeung anjeun

Dasar kudu kanyahoan
Ngirim surat salah ngasupkeun eusina
Urat sial jeung cilaka
Putus kaditu kadieu

Rame-rame

yu batur rame-rame
hayu urang suka bungah galumbira
gotong royong sauyunan
digarawe babarengan

ulah sok loba catur
sok komo lamun bari ngomongkeun batur
hilangkeun pangangguran
hayu urang ciptakeun pangwangunan

sistim keamanan jeung lingkungan eta hiji kawajiban
program Keluarga Berencana cukup boga anak dua
dukung kabersihan kasehatan
jeung pendidikan lingkungan urang

Talaga Reumis

Talaga reumis
Talaga nu jadi saksi
Waktos urang paheut janji
Pasini pakait ati
Pasimpay rasa satia
Duh bagja saksina Talaga Reumis

Talaga reumis
Talaga endah romantis
Tempat urang ngumbar asih
Ngamprokkeun rasa kasono
Nyacapkeun rasa katresna
Duh endah di sisi Talaga Reumis

Di sisi Talaga Reumis
Cinta mekar karembangan
Di sisi talaga reumis
Carita pinuh mamanis
Di sisi talaga reumis
Asih nyanding kabagjaan
Di sisi talaga reumis
Nyipta rasa nu romantis

Urang anteng... paduduaan
Mancing rasa... asih kaheman
Puseurna… useup kageugeut
Gupayna... geleng kadeudeuh
Nganggo jeujeur.... pangharepan
Ngantos geterna kukumbul kalbu
Surser rasa kasambut cinta
Pinanggih bagja di talaga

Urang anteng... paduduaan
Ngahaleuang... tembang kasmaran
Ngahariring...ririh kaheman
Ngagalindeng..lagam katineung
Lirih asih... pamatri ati
Tembang tresna panyimpay rasa
Lagu syahdu mepende kalbu
Ngahudang cinta di talaga

Potret Manehna

Potret manehna
Nu katampa minggu kamari
Dipiguraan
Disimpen dihade-hade

Anteng diteuteup
Jadi batur dina simpe
Aduh endahna
Mapaesan taman hate

Potret manehna, potret manehna
Ditilik di sidik-sidik
Diteuteup di bulak-balik
Ku manis bae

Potret manehna, potret manehna
Socana, imutna, teuteupna sagalana
Ngan keur kuring bae

Potret manehna, potret manehna
Wawakil jirim jinisna
Tanda satia ngarah kangen salilana
Jadi bukti najan anggang langka tepang
Potret anu digugulung potret manehna.

Tibelat

Ukur sareret teuteup saliwat
Tapi duriat tumapel masket

Matih lir peurah diri sumerah
Kumambang asih
Neang pangeunteupan deudeuh

Diri ngambang kabandang kajamparing ku manehna
Diri nguyung kapentang ngalanglayung ku manehna

Kamana atuh kamana
Neang manehna
Metik atina
Sareret jeung saliwat
Mawa tibelat
Sesah hilapna

Reret manehna
Teuteup manehna
Seukeut pamorna
Ngahudang cinta

Gandrung tibelat
Liwung kabandang
Hate micangcang
Beurang jeung peuting

Raray kagambar
Hate gemeter
Hayang patepung
Sugan asih bisa nyanding

Diri ngambang kabandang kajamparing ku manehna
Diri nguyung kapentang ngalanglayung ku manehna

Kamana atuh kamana
Neang manehna
Metik atina
Sareret jeung saliwat
Mawa tibelat
Sesah hilapna

Jamparing asih
Nembus kadeudeuh
Daya asmara
Kembangna cinta

Cipt. Nano S

Kalangkang

Mungguhing dina impenan
geuning sakitu deudeuhna
kanyaah nu wening bersih
satia jadi kakasih

Mungguhing dina impenan
geuning sakitu leahna
pameunteu marahmay manis
teu isin ka ambung damis

Rambut panjang nu ngarumbay
disangka panangan ngambay
lalaunan raray tanggah
rangkulan karaos pageuh

Luhur pasir tepung deudeuh
perlambang asih nu mekar
kabagjaan nu duaan
nu duaan

Hanjakal.. hanjakal teuing
endah ngan ukur kalangkang
harepan.. harepan diri
sing nyanding jeung kanyataan